Extra-Judicial Killings

 Extra-Judicial Killings

Sa lahat ng mga nakikinig at mga nanunuod magandang hapon sa ating lahat. Isa akong simpleng  estudyante ng Kolehiyo ng San Louis, na napili upang magsalita tungkol sa usap-usapan na extrajudicial killing dito sa ating bansa. Marami ang nagsasabi na nagsimula ito noong umupo bilang Pangulo ang dating Mayor ng Davao na si Rodrigo Duterte.

 Ang ating Pangulo raw ang may kasalanan kung bakit maraming inosenteng tao ang namamatay araw-araw, dahil sa krimen at illegal na droga na kaniyang ipinaglalaban. Bakit siya ang nasisisi sa lahat ng patayan na lumalaganap dito sa ating bansa? Ang tanong totoo nga ba na mayroong extrajudicial killings dito sa ating bansang Pilipinas?

Marami na ang kasong pagpatay dito sa ating bansa. Maraming pamilya ang naghahanap ng hustisya. Marami ang nagproprotesta at humihingi ng tulong sa pamahalaan. Ang simbahang Katoliko ay minsan ng nagsalita patungkol sa isyu ng patayan dito sa Pilipinas.

Sa ating bansa ay kalat ang mga transaksyon ng droga, kaya ang ating pangulo ay talagang pinagtutuunan niya ito ng oras at pansin. Sa katunayan, wala ng pagbabago sa mga balita na napapanuod sa telebesyon, naririnig sa radyo at nababasa sa dyaryo. Palagi nalang patayan at ang kadalasang biktima nito ay yaong mga nasasangkot sa droga at ang kapulisan ang idinidiin na may kagagawan sa mga patayan.

 Bilang isang Pilipino hindi ako naniniwala na may nangyayaring extrajudicial killings dito sa ating bansa. Tulad nga ng sinabi ni Communications Secretary Martin Andanar na walang extra-judicial killings (EJK) sa bansa. Ito’y dahil wala naman aniyang capital punishment sa Pilipinas kung saan nagkakaroon ng judicial killings. Wala sa Saligang Batas natin ang state-sanction killings kaya ang mga namatay sa giyera kontra sa illegal na droga ay maaring napatay sa legitimate operations o hindi kaya pinaslang ng mga taong nasa illegal drug trade.

Kung napanuod niyo ang binigay na mensahe ng ating panagalawang pangulo na si Leni Robredo sa United Nation commission na ipapalabas sa Viena Austria ay binatikos niya ang kampanya kontra sa illegal na droga ng pamahalaan. Sinabi rin niya na higit sa 7000 na ang namatay mula noong  Hulyo noong nakaraang taon, ngunit sa talaan ng Pnp mahigit 2000 libo lamang ang napapatay sa lehitimong operasyon at 4099 ang under death investigation. Dapat bilang isang Pangalawang pangulo ay maging maingat dapat siya sa pagbitaw  ng mga salita. Malaking epekto ang binigay niyang mensahe sa torismo ng Pilipinas. Pinahiya niya ang sarili nating bansa. Siniraang puri niya ang kapwa niya Pilipino, ang ating Pulisya, ang ating Pangulo at higit sa lahat ang ating inang bayan sa isang internasyonal forum. Binatikos rin siya ng dating United nation general assembly delegate na si  Michael Francis Acebedo, aniya hindi lang niya pinahiya ang ating bansa kundi lumabag din ito sa ating batas na gaya ng Public trust and economic sabotage. Sinabi rin ng ating pangalawang pangulo ang tungkol sa palit ulo, na kung hindi nakuha ng Pnp ang target na drug lord o yung drug dealer ay yung asawa o kamag-anak ang kinukuha nila. Pero hindi ganoon ang konsepto ng palit ulo. Sa katunayan, nasa batas na natin ito. Sa republic act 9165, section 33 nakasaad dito na kung ikaw ay isang user at sa halip na ikaw ay ikulong dahil nga gumagamit ka ng illegal na droga ay maaring ipawalang sala ka o bigyan ka ng mas mababang parusa kung ikaw ay magbibigay ng isang datos upang mahuli ang mas mataas na Drug dealer o pusher, ito ang konsepto ng palit ulo na sinasabi nila. Sinabi niya na mayroong extrajudicial killings dito sa ating bansa. Imbes na ipagmalaki dapat niya ang ating bansa ay ilinagay niya sa alanganin ang sitwasyon ng Pilipinas sa iba pang mga bansa. Kung saan man niya kinuha ang mga impormasyon na sinabi niya sa video ay sana kinumpirma muna niya kung tama ba o mali ang mga ito.

 Maraming tuloy mga dayuhan ang nagtatanong kung totoo nga ba ang mga sinabi niya na may extrajudicial killings sa bansang Pilipinas. Iniisip tuloy ng mga dayuhan na hindi ligtas na puntahan o pasyalan ang ating bansa. Paano lalakas ang torismo ng bansa kung mismo ang pangalawang pinakamataas pinuno ng bansa ang parang sumisira sa imahe ng Pilipinas? Hindi ba dapat siya ang isa sa nagtataguyod at humihikayat na puntahan at bisitahin ang ating bansa? Bakit imbes na magtulungan tayong mga Pilipino upang maging maunlad ang ating bansa ay mayroon parin irresponsible at hindi nag iisip sa kung ano ang magiging epekto nito sa ating mga Pilipino at sa ating bansa.  Mabuti nalang marami pa rin ang mga nagmamahal at totoong nagmamalasakit sa ating bansa at hindi iniisip ang pansariling kapakanan kundi ang kapakanan ng bawat isa. Ang ating pangulo ay isang simple, responsible, mahusay, at matapang na tao. Sabi nga niya na kaya niyang ibuhis ang sariling buhay para sa Pilipinas. Ang administrasyong Duterte ay hindi nagpapahintulot sa mga pagpatay o sa sinasabi na extra-judicial killings. Marami ng magagandang nagawa ang ating pangulo ngunit ang nakikita ng media at ang maka anti-duterte ay ang mga katiwalian at mga hindi magagandang nangyayari sa ating bayan na isinisisi nila lahat sa ating pangulo. Kung sana sinusoportahan nalang natin at tinutupad natin ang mga batas ay siguro magiging tahimik, matiwasay at maunlad ang bansang Pilipinas.

Bago ko tapusin ang aking talumpati ay mag-iiwan ako sa inyo ng isang kasabihan “Tanging Tunay na Pilipino lamang ang wagas na nagmamahal sa kapwa Pilipino” kaya mga mahal kong tagapakinig at mga nanunuod, kung tunay  kang Pilipino kaya mong  ipagmalaki kung sino ka at saan ka nanggaling. Maraming salamat at magandang hapon ulit sa ating lahat.